Jaun Eliya

میں بھی بہت عجیب ہوں اتنا عجیب ہوں کہ بس

خود کو تباہ کر لیا اور ملال بھی نہیں

جو گزاری نہ جا سکی ہم سے

ہم نے وہ زندگی گزاری ہے

یہ مجھے چین کیوں نہیں پڑتا

ایک ہی شخص تھا جہان میں کیا

میں جو ہوں جونؔ ایلیا ہوں جناب

اس کا بے حد لحاظ کیجئے گا

یوں جو تکتا ہے آسمان کو تو

کوئی رہتا ہے آسمان میں کیا

کتنی دل کش ہو تم کتنا دلجو ہوں میں

کیا ستم ہے کہ ہم لوگ مر جائیں گے

ساری دنیا کے غم ہمارے ہیں

اور ستم یہ کہ ہم تمہارے ہیں

زندگی کس طرح بسر ہوگی

دل نہیں لگ رہا محبت میں

کس لیے دیکھتی ہو آئینہ

تم تو خود سے بھی خوب صورت ہو

کون اس گھر کی دیکھ بھال کرے

روز اک چیز ٹوٹ جاتی ہے

بہت نزدیک آتی جا رہی ہو

بچھڑنے کا ارادہ کر لیا کیا

کیا ستم ہے کہ اب تری صورت

غور کرنے پہ یاد آتی ہے

کیسے کہیں کہ تجھ کو بھی ہم سے ہے واسطہ کوئی

تو نے تو ہم سے آج تک کوئی گلہ نہیں کیا

وہ جو نہ آنے والا ہے نا اس سے مجھ کو مطلب تھا

آنے والوں سے کیا مطلب آتے ہیں آتے ہوں گے

کیا تکلف کریں یہ کہنے میں

جو بھی خوش ہے ہم اس سے جلتے ہیں

کیا کہا عشق جاودانی ہے!

آخری بار مل رہی ہو کیا

مستقل بولتا ہی رہتا ہوں

کتنا خاموش ہوں میں اندر سے

ہم کو یاروں نے یاد بھی نہ رکھا

جونؔ یاروں کے یار تھے ہم تو

مجھے اب تم سے ڈر لگنے لگا ہے

تمہیں مج مجھ سے محبت ہو گئی کیا

سوچتا ہوں کہ اس کی یاد آخر

اب کسے رات بھر جگاتی ہے