Mir Taqi Mir

کام اس کے لب سے ہے مجھے بنت العنب سے کیا

ہے آب زندگی بھی تو لے جائے مردہ شو

تن کے معمورے میں یہی دل و چشم

گھر تھے دو سو خراب ہیں دونوں

عالم عالم عشق و جنوں ہے دنیا دنیا تہمت ہے

دریا دریا روتا ہوں میں صحرا صحرا وحشت ہے

آئینے کو بھی دیکھو پر ٹک ادھر بھی دیکھو

حیران چشم عاشق دمکے ہے جیسے ہیرا

تھا سب کو دعویٰ عشق کا لیکن نہ ٹھہرا کوئی بھی

دانستہ اپنی جان سے دل کو اٹھایا ایک میں

زمانے نے مجھ جرعہ کش کو ندان

کیا خاک و خشت سر خم کیا

ہاتھ چڑھ جائیو اے شیخ کسو کے نہ کبھو

لونڈے سب تیرے خریدار ہیں میخانے کے

ہیں چاروں طرف خیمے کھڑے گرد باد کے

کیا جانیے جنوں نے ارادہ کدھر کیا

نکتہ دانان رفتہ کی نہ کہو

بات وہ ہے جو ہووے اب کی بات

برنگ بوئے گل اس باغ کے ہم آشنا ہوتے

کہ ہم راہ صبا ٹک سیر کرتے پھر ہوا ہوتے

اس کی تو دل آزاری بے ہیچ ہی تھی یارو

کچھ تم کو ہماری بھی تقصیر نظر آئی

اس جستجو میں اور خرابی تو کیا کہیں

اتنی نہیں ہوئی ہے صبا در بہ در کہ ہم

ہم بے خودان محفل تصویر اب گئے

آئندہ ہم سے آپ میں آیا نہ جائے گا

رخسار اس کے ہائے رے جب دیکھتے ہیں ہم

آتا ہے جی میں آنکھوں کو ان میں گڑویئے

کیا تیر ستم اس کے سینے میں بھی ٹوٹے تھے

جس زخم کو چیروں ہوں پیکان نکلتے ہیں

سیر گلزار مبارک ہو صبا کو ہم تو

ایک پرواز نہ کی تھی کہ گرفتار ہوئے

مانند شمع مجلس شب اشکبار پایا

القصہ میرؔ کو ہم بے اختیار پایا

اب جان جسم خاکی سے تنگ آ گئی بہت

کب تک اس ایک ٹوکری مٹی کو ڈھویئے

دکانیں حسن کی آگے ترے تختہ ہوئی ہوں گی

جو تو بازار میں ہوگا تو یوسف کب بکا ہوگا

اس باغ کے ہر گل سے چپک جاتی ہیں آنکھیں

مشکل بنی ہے آن کے صاحب نظروں کو